الرئيسية » هلوسات » ما أهبلك، ما أهبلنا

ما أهبلك، ما أهبلنا

– هوي صحيح إنه ما حدا رايح وماخد معه شي، بس هيدا ما بيعطيك صلاحية أبداً إنه تضلك نازل نهب وقراطة بلي بعدهم هون.

– الوطنية الزايدة عن لزوم ولي بتعكف عا تعصب بتصير مثلها مثل الطائفية؛ تنيناتهم شي ب.خ.

– واحد مقتنع إنه الشمس عم تشرق من طيز زعيمه وعم تغيب بحضنه وجايي بدك تحكيه عن الصراع الطبقي ؟ لقطة إنت والله.

– الحرية بشكل عام شي عظيم .. إلاّ إذا كانت لرأس المال.

– ليك خدها مني، هيدا لي عم تقول عنه بلا مبدأ وكل يوم بكون موقفه شكل، هوي رب مين إلتزم بمبدأ .. مصلحته الشخصية هي المبدأ، خدها هيك إنت، وشوف قديش هل زلمي مبدئي وبدأة.

– النفط والمشحرين تنيناتهم وقود؛ النفط وقود المعامل والطيارات، والمشحرين وقود الأنظمة، بس الفرق إنو النفط أغلى بكتير.

– مش علاطول بكون الحق على المؤامرة والإستعمار والإستحمار .. إنتبه .. أوقات كتير بكون هيدا إنت يلي حمار.

– هوي الحقد بشكل عام شي مش منيح .. إلا إذا كان طبقي.

– كل ما تشغل مخك وتفكر حا تعرف إنك بعدك أهبل، وكل ما يتعطل مخك عن التفكير حا تعتقد إنك عظيم .. فكر فيها مظبوط وشوف ما أهبلك، ما أهبلنا.

Advertisements

تعليق واحد

  1. اي و الله الحقد شي منيح ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: